Monday, April 03, 2006

احنا

ا حنا
المشكله فينا احنا الناس و الدنيا
المشكله فى الظروف ..و لا دى حاجه تانيه
المشكله مشكلتنا عمدان اساس بيتنا
زى النصيب و القدر مكتوب و بالثانيه
و عوضى

Saturday, January 14, 2006

بنتولد

بنتولد

بنتولد
و عنيكى تحت القمر
خايف اوعدك ماوفيش يا ليلى
يلى انت حبك حريه
اتكلمى
دنا قلبى مدارس شعبيه
و شبابيك للطول و الون والحريه
و فرحه و فرصه من اول لمسه
ووسط الدايره
دايره الوحله
لو بطلنا نحلم نموت
صدقنى يا صاحبى
قبل ما تحلم فوق
دا بحر الحياه غدار
هات ريشتك هات الوانك
و ارسم على الارض مكانك
و ابكى
لو فى عينى دموع
وعللى صوتك
DELESEPS

Tuesday, January 03, 2006

جوه الشوارع

جوه السوارع
حلمى تاه وسط الشوارع
حلم عايش بس ضايع
حلم متنطط فى روحى
حلم راح ريح جروحى
نفسى اعرف امتى راجع
رد لو كنت انت سامع
نفسى اشوفه و اعرفه
و يومها ممكن اسلفه لأى حالم
طب بعد ايه
لو تسمحوا
ننسى اللى فات
منا حلمى مات
وسط العيون
محمد شلبى

Monday, January 02, 2006

حصار

حصار
حصار
لقيت احلام محوطانى
محصرانى
كرهت الحلم من تانى
حصار كبير
احلام كتير
دققت فيها النظر
فلقتها احلامى
قالوا كلام عنا
بيقولوا حققنا
اما نموت جنبك
اما تموت بينا
سكت اللسان ما نطقش
و حاولت ما تكلمش
و مسكت صدرى
حسيت كانه بيضيق عليا
و عرفت ديتها
مليش ديه
دنا بتخنق و بموت
ادينى بموت
مفيش و لا صوت طلع منى
احلام بتخنقنى
احلام كتير بالكوم
صحيت م النوم
محمد شابى

Saturday, December 31, 2005

على مدد الشوف

على مدد الشوف
على مدد الشوف
و انا نازل الصبح وعلى رجليا بلف و اطوف
شايف عيل شايل الشنطه و طالع يجرى
ريح مدرسته و متاخر
قبليه كان فيه راجل على عجله من ام فانوس
و دى مريله كحلى تتمشى
نازله المدرسه راحه من بدرى
و ده عامل مصرى نازل بدرى و لازمله غموس
و ده شا بسيط نازل قال بيشوف شغلانه
قلب شجاع مع بطن جعانه
وعيون شبعانه كلام حواديت
نظرات حيرانه لمعنى البيت
و الحلم يموت وده حلم جديد
وسيجاره بتولع م الكبريت
وقعت على الارض
ما قدرش يوطى يمسكها
مع انها فرط
و لكنه اهو قال او ديك ديكها
قام ماسك الشط
و ماكنش معاه غير هما عودين
ولع لاتنين
قام شاف قدامه علبه بحالها
ما قدرش يجيبها عشان مش ليه
قام غمى عنيه
كان نفسه العلبه تجيله لحد اديه
و هيعمل ايه
كمل مشواره لكن ما كملش
بيقول هعرف و اتاريه ما عرفش
كان نفسه يشوف و لكنه ما شافش
ايه قدامه
فين احلامه
ولأنه ما كملش كلامه
فعلا ما قدرش
علا ما قدرش يشوف على مدد الشوف
اللى انا شفته
و اللى عرفته فى لحظات الخوف
شئ مش مالوف
بقى دهكلامى عاللى ماشفتوش
على مدد الشوف
انا شفت سراب
و الحلم تراب
مجانين عاملين للصحرا ابواب
عيزنى اخبط عاللى الابواب
او فى الأبواب
ده كلام مجانين مكتوب فى كتاب
ايوه قريته بس نسيته
ماهوى غلاب
على مدد الشوف
محمد شلبى

Friday, December 30, 2005

حلمى

حلمى
قابلت حاجات فى وسط مشاكل التوهه
لقيت حلمى بيتبخر
حاولت اجيبه ما عرفتش
و من غيره ما كملتش
و شفت نهايته متاخر
لقيت ىحلمى بيتشنكل فى وسط الشارع الأسفلت
بشوف نفسى ببص لفوق لكنى بجد بنزل تحت
وقلت هقول كلام فى كلام وحتى لسانى اهو خاننى
و حلمى تكعبله الأيام و جيت انطق لقتنى سكت
و شفت كسور
حروف خارجه لوش النور
كلام و عليه هييجى الدور
و مهما الف و مهما ادور
ما بنطقهوش
و يومها عرفت
حسيت بالبرد و اتكلفت
و لفيت روحى بجروحى عشان ادفى
لقيت البرد بينخور فى عضم الحلم
لقيت الحلم متبخر فى قلب العلم
و لما وصلت متاخرو شفت الفيلم
مافهمتش و ماعرفتش
انا شفت ايه
و ما سالتش
عشان حلمى اللى كان باديه يعيشنى
لمحته بجد كان بيموت
مفيش و لا صوت
لقيته سكوت
فما حلمتش
محمد شلبى

حاولت اكتب

حاولت اكتب
حاولت اكتب لقيت سن القلم مقصوف
حاولت انطق لسانى اتشل جوه الجوف
و جيت اكتب خط القلم كلمه بموت منها
شفت القلم خايف فعرفت معنى الخوف
محمد شلبى

Thursday, December 29, 2005

انا و فيروز

انا و فيرز
اذا اردت ان اتكلم عن فيروز فماذا اقول..لا اعرف ..فلو كنت اعرف لكنت تكلمت هل اقول لكم فعلا انى قد عشقت فيروزصوتا بلا كلمات البعض هيقول ايه اللى بيقوله ده و مين ده يا جدعان و الكل يتساءل كيف سمع فيروز و لم يعشق كلماتها
هذا لأنى سمعت فيروز صغيرا وفعلأ تعجبت من هذا الصوت الجميلالذى لم اسمعه من قبل و لكنى لم اكن اعرف فك شفرات اللغه اللبنانيه التى كانت جديده على اذنى و لكن اغنيه فى اغنيه و عام بعد عامبدات التكيف على سماع اغانى فيروزو معرفه معناهاو سماع كل كلمه على حدا
و على كل حال فهى فيروز و انا العبد الفقير الى الله
و لكنى اعشقها
محمد شلبى

اول مره

اول مره
اول حاجه فكل حاجه هى لحظه الارتباك
حاجه لسه ما شوفتهاش بس راح تحصل معاك
لو فاكر اول مره
تركب فيها تاكس لوحدك
و تروح فى حته من غير ما حد يكون معاك
اول مره بتنزل شارعك
اول مره تصاحب واحد
اول ضربه بوكس فى وشك
اول مره تروح المدرسه فبها
اول مره تقوم و تجاوب
تغلط و تعيد تانى اجابتك
تتذنب على حيطه الفصل و ترفع ايدك
و تشيل الشنطه على دماغك
اول مره تروح البحر
اولمره لبست مايوه
اول نظره من الشباك على بنت جيران
اول جسم تشوفه و تتعب م الحرمان
اول مره تقابل فيها
اول مسكه ايد فى حياتك
اول بوسه فى بير السلم
و اديك سارحه فى ظهر الكون
و تحس ان الدنيا بتاعتك
اول مره تروح الجامعه
اول حرح .. و اول دمعه
اول موضوع ليك يتفشكل
تزعل حبه و حبه تكمل
اول مره تقف على مسرح
اول مره تادى فى دور محتاج مجهود
و احد صاحبك قاعد برا بيعزف عود
و انت كانك مش موجود
اول مره بتعرف انك فعلا تعرف
اول نفسين ليك فى حياتك
اول صاحب ليك بيموت
اول احلامك بتفوت
اول مره بتخطب فيها
اول مره بتكتب فيها
اول مره بتدخل فيها
على التدوين
اول مره تدور فيها على العناوين
اول مره بتعرف فعلا انت منين
اول مره تحس بانك حد حزين
اول حاجه فى اول حاجه فى كل حياتك
اول امبارح
و بكره
و النهارده
وكل يوم ما عدتش تفرق
امتى و فين
كله بقى عادى و قديم
ماعدتش اول ملره تفرق
الا اول مره بس
اول مره
محمد شلبى

الشوارع

الشوارع
الشوارع و البيوت و الحارات الضيقه
زحمه دوشه كلام سكوت احلا ولا د متفرقه
جوه الشوارع بنلاقيهم و الملامح هىهى
الشقاوه سكنه فيهم و القلوب متشوقه